首頁 > 一分鐘學酒 > 【飲家熱話】米芝蓮踩過界？2026 首推「米芝蓮葡萄」評級，酒莊都要爭星！

【飲家熱話】米芝蓮踩過界？2026 首推「米芝蓮葡萄」評級，酒莊都要爭星！

香港人對「米芝蓮」這三個字絕對唔陌生，平時出街食飯搵餐廳要睇星星，去旅行訂酒店而家要睇「鎖匙」（Michelin Keys）。但你又有無諗過，連你手上面支酒個酒莊，遲啲都要靠「米芝蓮葡萄」（Michelin Grapes）來定身價？無錯，米芝蓮宣佈正式殺入葡萄酒界，2026 年開始對酒莊進行評級！

其實米芝蓮早幾年已經收購咗葡萄酒權威《Robert Parker Wine Advocate》，大家都估到佢遲早會有動作。但今次唔係單純評分（90分、100分嗰種），而係好似評餐廳咁，直接俾個名份間酒莊！

這個全新的「米芝蓮葡萄」系統，將會頒發 「一葡」、「二葡」同最高榮譽嘅「三葡」（One, Two, Three Grapes）。評審準則唔止係試支酒好唔好飲，仲會睇埋酒莊嘅農業質素、風土演繹、釀酒技術同埋穩定性。簡單講，佢係評緊個「莊」嘅整體實力，而唔係單一支酒嘅分數。

首站會係邊度？梗係香港人最愛嘅 波爾多（Bordeaux） 同 布勃艮第（Burgundy） 啦！名單預計今年（2026）就會出爐。到時邊個莊攞到「三星葡」，身價隨時又升幾倍，大家個銀包又要準備出血啦！

對於我哋香港嘅飲家嚟講，以後揀酒或者去法國酒莊旅行（Wine Tour）又有新指引啦。以前可能淨係識追 1855 列級莊或者 Grand Cru，遲啲可能係話：「咦，呢間莊攞咗『米芝蓮二葡』，堅索喎，去試下先！」不過，米芝蓮口味一向有佢自己一套，究竟佢選出嚟嘅酒莊係咪真係啱我哋香港人口味？定係會有啲「伏味濃」嘅驚喜？真係要試過先知。

雖然「米芝蓮葡萄」名單未完全公佈，但 On Excel 團隊一向眼光獨到，我哋選得入黎嘅波爾多同布勃艮第酒款，無論有無星星加持，質素都絕對係信心保證。