Blog

【產區揭秘】點解 Lafite 代表地位，但 Calon-Ségur 先代表真愛？

情人節行入酒舖，見到個酒標有個大心心 ❤️，你可能會諗：「車，又係商業 Gimmick 嚟氹女仔啫。」

錯啦！呢個心，係堅㗎！ 而且背後個故仔，分分鐘比鐵達尼號更加令你另一半感動。

今日 On Excel 同大家講一支香港識飲之人都一定聽過嘅「愛之酒」—— Château Calon-Ségur (凱隆世家)。

擁有全世界，但我只想要你

故事發生喺 18 世紀，當時嘅莊主 Nicolas-Alexandre, Marquis de Ségur 係波爾多最有權勢嘅男人。佢有幾勁？佢手頭上同時擁有 Château Lafite (拉菲) 同 Château Latour (拉圖)。呢兩個名直到今日都係財富、地位、權力嘅象徵。

照計佢應該最錫呢兩個「金叵羅」吖嘛？但係侯爵竟然對住全世界講咗一句震撼酒界嘅說話：

「我雖然喺 Lafite 同 Latour 釀酒，但我就將個心留咗喺 Calon。」 (I make wine at Lafite and Latour, but my heart is at Calon.)

就係因為呢句說話，後人為咗紀念佢對 Calon 嗰份獨一無二嘅偏愛，就將一個心形圖案印喺酒標上面，流傳至今。

香港人的浪漫啟示

喺香港呢個咁現實嘅商業社會，我哋成日追逐「最好」、「最貴」、「最有名」，就好似大家都想要 Lafite 咁。但 Calon-Ségur 提醒緊我哋：

喺所有繁華同名利背後，你個「心」真正安放嘅位置喺邊度？

如果你個另一半問你：「點解送呢支酒？」 你可以好型咁答佢：「Lafite 係用嚟應酬外人嘅，但 Calon 係留返畀最愛嘅人。My heart is here.」

酒如其名：剛柔並重

當然，Calon-Ségur 絕對唔係得個樣。作為 Saint-Estèphe 產區嘅三級莊，佢嘅風格係好有性格嘅。強勁嘅單寧代表住「堅定」，而隨住陳年慢慢散發出嚟嘅朱古力、甚至係松露嘅香氣，就代表住「溫柔」。

今個情人節，唔好只係送禮物，送個故事畀佢。嚟 On Excel 揀一支靚年份嘅 Calon-Ségur，話畀佢聽，佢就係你嘅 Calon。